Hóast koronafarsóttin sær út at vera avtakandi í nógvum londum í Vesturheiminum, bendir alt á, at bingjureiðarí halda fram at avlýsa rutur langt inn í komandi heyst. Serliga úr Asia og til restina av heiminum verða rutur avlýstar.

Higartil í 3. ársfjórðingi í ár eru 75 farleiðir úr Asia avlýstar. Tað snýr seg millum annað um Mærsk og samstarvsfelagan, 2M, sum hava avlýst fleiri rutur bæði í juli, august og september. Tað merkir, at bara her verða 22 prosent av rutunum avlýstar.

Ímeðan hevur “The Alliance-samtakið” minkað sín kapasitet í Asia til Norðurevropa við 28 prosentum í 3. ársfjórðingi í ár.

Nógvu avlýsingarnar koma í kjalarvørrinum á einari tíð, har talið av fluttum bingjum er fallið nógv, og har samlaða bingjutonnasjan ongantíð hevur verið hægri.

Í apríl vóru fluttar 16,9 prosent færri bingjur enn somu tíð í fjør. Av hesum 16,9 prosentunum minkaði innflutningurin til Evropa 20 prosent, til USA 17 prosent, og til Miðeystur fall innflutningurin við 25 prosentum.

Tað skriva Søfart og Áhugafelagið Antares.