Í Brasil eru næstfelst koronasmittað skrásett, meira enn 772.000. Av teimum eru 413.000 frísk aftur.

Í Russlandi finna við triðhægsta talið fyri smittaði: sløk hálv millión. Av teimum eru gott og væl 250.000 staðfest frísk aftur.

Ritzau-tíðindastovan skrivar, at meðan fleiri lond byrja at lata samfelagið uppaftur, veksur talið av smittaðum nógv í londum sum Brasil og India.

India liggur við sínum 276.000 smittaðum á einum fimtapláss yvir lond við flest smittaðum í heiminum. Vandi er fyri, at talið fer at vaksa munandi í stórbýnum Mumbai og høvuðsstaðnum Delhi, tá vit nærkast juli , upplýsa myndugleikarnir sambært Ritzau.

Framvegis ongin koronatilburður í Føroyum

Í Føroyum stendur hinvegin væl til við koronasmittuni. Í løtuni er eingin føroyingur staðfestur smittaður við koronasmittuni, og tað byggir á í alt 10.708 kanningar, upplýsir Landslæknin, nú seinastu kanningarúrslitini eru tøk.

Í alt hava 187 føroyingar fingið staðfest koronasmittuna, og allir 187 eru staðfestir frískir. 

101 kanningar vórðu gjørdar tí gjár, og allar kanningarnar vóru negativar. 

Eingin nýggjur smittutilburður er staðfestur í Føroyum síðani 22. apríl. Sostatt hevur eingin fingið staðfest smittu í teimum seinastu 4.338 kanningunum.