Í løtuni er eingin føroyingur staðfestur smittaður við koronavirusinum. Tað byggir á í alt 10.863 kanningar. Tað upplýsir Landslæknin, nú seinastu kanningarúrslitini eru tøk.

Í alt hava 187 føroyingar fingið staðfest koronasmittuna, og allir 187 eru staðfestir frískir.

155 kanningar vórðu gjørdar í gjár, og allar kanningarnar vóru negativar. Eingin nýggjur smittutilburður er staðfestur í Føroyum síðani 22. apríl. Sostatt hevur eingin fingið staðfest smittu í teimum seinastu 4.593 kanningunum.

Og av somu ávum er ongin í løtuni innlagdur orsakað av koronasmittuni.