Fyrilestur um at liva við cøliaki og aðalfundur
Tolir tú ikki gluten, og hevur hug at hitta onnur í somu støðu?
So er eitt høvi at koma til aðalfundin og fyrilestur á Hotel Runavík, leygardagin 13. juni klokkan 15.
Tá verður aðalfundurin, sum í vár varð útsettur vegna Korona. Og Magnhild Tausen Olsen fer at greiða frá um at tað at fáa staðfest cøliaki og at liva við sjúkuni. Magnhild er føðsluatstøðingur og køksleiðari á Ellis- og Røktarheiminum í Runavík.
Fleiri hundrað føroyingar eru glutenviðkvom, men mong teirra hava ongantíð fingið staðfest sjúkuna. Cøliakifelagið er eitt felag fyri fólk við sjúkuni og avvarandi teirra. Vit arbeiða fyri, at fáa kunning um sjúkuna út í alt samfelagið og fyri at gera umstøðurnar hjá fólki við cøliaki betri.
Árligi aðalfundurin er eitt gott høvi at hitta og knýta sambond við fólk, ið hava ella eru avvarandi hjá fólki við cøliaki. Og at luttaka í arbeiðinum hjá felagnum.
Bóklingurin Cøliaki - Soleiðs gert tú, fæst ókeypis.
Øll eru hjartaliga væl komin. Skrá fyri fundin er á heimasíðu felagsins www.coliaki.fo
vinaliga vegna nevndina
Sonja Tausen
forkvinna
tlf 268683
Mest lisið í farnu viku
Samband
Heygsvegur 8
490 Strendur