Fyribils kanningarskipan á flogvøllinum hesa vikuna
Frá í dag til og við fríggjadagin, 19. juni, verður møguligt hjá teimum ferðandi til Føroya at verða kannað á flogvøllinum í Vágum og við bryggju í Havn. Talan er um eina fyribilsskipan.
Ferðandi kunnu av somu orsøk vænta drúgvari bíðitíð, tá tey koma til landið. Tað verður heitt á øll ferðandi um at fara í sóttarhald í heiminum, til tey hava fingið svar upp á kanningina innan tvey samdøgur.
Fólk búsitandi í Føroyum sleppa undan at vísa á eitt negativt kanningarúrslit, tá tey ferðast aftur til Føroyar. Tey skulu hinvegin vísa eina váttan um bústað í Føroyum.
Útlendingar sum koma til Føroya í arbeiðsørindum nýtast ikki at vísa á eitt negativt kanningarúrslit fyri at sleppa til landið. Tað verður kortini álagt útlendinginum at skjalprógva, at viðkomandi skal arbeiða í Føroyum.
Atlantic Airways hevur sett serlig tiltøk í verk fyri at minka um smittuvandan av korona. Sostatt skulu øll ferðandi við Atlantsflogi frá í dag av vera í andlitsmasku, sum verjir bæði nøs og munn.
Mest lisið í farnu viku
Samband
Heygsvegur 8
490 Strendur