Bolton gevur bók út um Trump
Fyrrverandi trygdarráðgevin og stóri stuðulin hjá amerikanska forsetanum, John Bolton, hevur skrivað bók um tíðina í Hvítu húsunum. Og í bókini fær Trump av at vita.
Millum annað sigur John Bolton, at Donald Trump saktans kundi komið fyri ein ríkisrætt fyri annað og meira enn sonevnda “Ukraina-málið.” Hann skuldsetir eisini Donald Trump fyri at hava biðið Kina um hjálp at vinna forsetavalið í 2016.
Hvítu Húsini royna nú av øllum alvi at steðga bókaútgávuni, men bæði New York Times og Washington Post hava fingið avrit av bókini, sum bløðini hvør í sínum lagi hava prentað brot av.
Í royndini at steðga bókaútgávuni hava Hvítu Húsini stevnt Bolton fyri at leka upplýsingar, sum kunnu skaða trygdina hjá USA.
Fyrrverandi trygdarráðgevin og vinmaður Trumps sigur, at forsetin fleiri ferðir hevur verið tilreiðar at krógva lógarbrot, fyri at “gera persónligar tænastur fyri einaræðisharrar, sum honum dámar.”
Sambært keldum skal nýggja bókin vera á tremur við hørðum atfinningum frá einum republikanara, sum í áravís hevur arbeitt fyri flokkin, skrivar NRK.
Mest lisið í farnu viku
Samband
Heygsvegur 8
490 Strendur