Friða Geysir í Íslandi
Í Íslandi hava tey gjørt av at friða alt økið við Geysir.
Íslendski ráðharrin í Umhvørvis- og náttúru tilfeingi, Guðmundur Ingi Guðbrandsson, sigur soleiðis um avgerðina:
- Geysir, Strokkur og alt hetta økið er óivað kendasta perlan í íslendsku náttúruni, og dregur eitt ótal av ferðandi til sín. Hetta økið er ímyndin av Íslandi úteftir, sum eitt land við villari náttúru, søgu og mentan. Geysir eru eitt av heimsins kendastu økjum við jarðhita og eg haldi at við at friða økið gera vit nakað gott fyri heimin og íslendarar kunnu vera errin av at vera partur av at verja økið fyri nútíðina og fri framtíðar ættarlið, alla staðni í heiminum, segði umhvørvisráharrin, Guðmundur Ingi Guðbrandsson.
Í skrivi frá Umhvørvismálaráðnum verður sagt, at við at friða økið við Geysir, er ætlanin at verja og styrkja varðveitsluna av serstaka jarðarskapinum, heitu keldunum, mikro-lívverunum, og serstaka plantulívinum.
Friðingin inniber tó, at vitjandi enn sleppa á staðið, men nú verður tað gjørt undir skipaðum umstøðum, so náttúran ikki verður órógvað av teimum nógvu ferðafólkunum. Arbeitt verður eisini við at bøta um skaðar, sum eru hendir yvir nógv ár. Tað skrivar Íslendska Ríkisútvarpið.
Náttúrulóggáva í Føroyum
- Í Føroyum er tørvur á lóggávu, sum verjir fugl og lendi. Tað segði Jóhan Pauli Helgason, leiðari á Menningardeildini á Visit Faroe Islands, í samband við, at privatfólk gjørdu eina gøtu gjøgnum lundalandið í Mykinesi - móti tilráðingum frá serfrøðingum.
Trýst á pílin omanfyri, fyri at hoyra Jóhan Paula Helgason greiða frá.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur