HB fór fyri fyrstu ferð í ár av vøllinum uttan stig
NSÍ setti seg á dystin beinanvegin, og tað gingu ikki meira enn góðir 10 minuttir, so løgdu teir seg á odda. Eitt innlegg úr vinstru endaði fyri føturnar á Bárði J. Hansen, sum smekkaði bóltin í kassan.
Tað skrivar heimasíðan hjá HB.fo.
Teir halda fram:
Kanska í so passivt verjuspæl frá okkara síðu. Hóast vit royndu, komu vit ikki fram til nakað nevnivert. Høga pressið vit hava sæð so mangan í ár riggaði ikki, og tá vit so endiliga fingu fatur á bóltinum, fingu vit ikki nóg nógv bururúr.
Teitur mátti rista onkra bjarging úr ermuni, fyri at halda okkum inni í dystinum. Men júst sum vit vónaðu at fara til hálvleiks, bert aftanfyri við einum málið, gjørdu vit brotsspark. Tað skoraði Petur Knudsen uppá, og so varð mótbrekkan enn brattari. Og fyri at gera ilt verri, noyddist Pætur eisini skaddur av vøllinum í fyrra hálvleiki.
Seinni hálvleikur gjørdist eitt sindur frægari, men teir heilt stóru møguleikarnir vóru ikki nógvir av. Og tá so Mathias fekk tann stórsta, bjargaði Tórður Thomsen í NSÍ málinum meistarliga.
Her mugu vit bara ásanna, at tað var bara ikki okkara dagur, og tað fyrsta tapið í ár gjørdist veruleiki.
Tað skrivar heimasíðan hjá HB.fo meira kann lesast HER https://hb.fo/fyrsta-tapid-i-ar/
Mest lisið í farnu viku
Samband
Heygsvegur 8
490 Strendur