Teir báðir brøðurnir hava altíð verið sera væl, og hava á mangan hátt fylgst. Teir vórðu til dømis innsettir sum prestar sama dag afturi í fimmtiárunum.

Á túri sínum í Týsklandi vitjaði fyrrverandi pávin beiggja sín, og teir samskiftu, hóast sjúka forðaði fyri tí nógva prátinum. Benadikt pávi bað eisini við grøvina hjá foreldrum sínum.

Mong vóru møtt upp at síggja Benadikt Páva, sum seinastu árini hevur búð í einum lítlum kleystri í Vatikaninum saman við skrivara sínum og fýra nunnum.

Norska blaðið, Vårt Land, skrivar, at teir báðir brøðurnir, Georg og Joseph Ratzinger, báðir vórðu prestvígdir sama dag í 1951, og meðan Joseph Ratzinger fordjúpaði seg í teologiini og gjørdist pávi, gjørdist tónleikur stóri áhugin hjá eldra beiggjanum, Georg Ratzinger. Hann hevur virkað sum prestur og kapellmeistari. Men teir hava altíð verið tætt knýttir hvør at øðrum.