Borgarstjórar úr arktiska økinum hittast í Tórshavn
Næsti fundurin í Arctic Mayors' Forum verður í oktobur, og tann fundurin verður hildin í Føroyum.
Annika Olsen, borgarstjóri í Tórshavnar kommunu sigur:
- Tað hevur stóran týdning, at fundurin verður hjá okkum, tí vit kunnu vísa borgarstjórum úr øllum londunum í Arktis, hvat Havnin er, og Føroyar eru.
Borgarstjórin var í gjár á fundi saman við felagsskapinum fyri borgarstjórar í arktisku londunum. Fundurin varð hildin á netinum, og borgarstjórarnir umrøddu millum annað fundin, sum verður í Havn í oktobur.
Tórshavnar kommuna er stovnandi limur í Arctic Mayors' Forum, og við felagsskapinum eru Føroyar veruliga við í arktiskum samanhangi við sjálvstøðugari rødd, skrivar kommunan.
Arctic Mayors’ Forum er lokala røddin í arktiskum politikki. Arbeitt verður við at fáa Arctic Mayors’ Forum eygleiðarastøðu í Arktiska Ráðnum fyri at fáa lokala atlitið við í framtíðina í Arktis. Hetta verður eitt av málunum á skrá, tá ið borgarstjórar úr arktisku londunum hittast 8. Oktober í Havn.
Mest lisið í farnu viku
Samband
Heygsvegur 8
490 Strendur