Danskar fiskikvotur: Ákærdur fyri strámannavirksemi
Í Skagen í Danmark er fiskimaðurin og reiðarin, Henning Kjeldsen, ákærdur fyri strámannavirksemi í samband við kvotur. Sambært ákæranum stendur Henning Kjeldsen aftanfyri ólógligt keyp av kvotum gjøgnum strámenn.
Reiðarin eigur virði fyri 1,6 milliardir krónur, og er ákkærdur fyri, at hava sett strámenn í fleiri feløg, so Henning Kjeldsen fekk fleiri kvotur enn loyvt er. Hetta vátta fleiri keldur, sum ikki hava samband við hvørja aðra, fyri Danmarks Radio.
Per Fiig, sum er virkandi statsákæri, sigur:
- Tað er okkara fatan, at hann er tann einasti, sum hevur staðið fyri ítøkiliga rakstrinum í feløgunum, og at stjóranir í hesum feløgunum einans hava virkað sum strámenn, sigur statsákærin.
Sostatt er Henning Kjeldsen brotsmaðurin, illgruni hevur verið um, í sakini, sum danska bakmansløgreglan, hevur reist ákæru ímóti, saman við nýggju øðrum persónum.
Bakmansløgreglan hevur varhugan av, at Henning Kjeldsen sjálvur hevur sett strámenn í feløgini. Hetta er ólógligt virksemi og hann eigur at fáa bót fyri hetta.
Tá DR tíðindini spyrja Henning Kjeldsen um hetta, sigur hann, at hann onki veit um hesa sakina.
Í samband við hetta sakarmálið, har tíggju fólk eru ákærd, verður kravt, at hald verður lagt á 231 milliónir krónur.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur