Væl fyriskipaður sjónleikur millum Jørgen og Anniku
Gott at Starvsmannafelagið helt fast um síni sjálvsøgdu rættindi!
Væl fyriskipaður sjónleikur millum Jørgen og Anniku
Eg fegnist eg um, at lønarsáttmálin hjá Starvsmannafelagnum við Kommunala Arbeiðsgevarafelagið nú loksins er góðkendur. Tað vistu vit øll fór at verða endin av hesum tragikomiska sjónleiki.
So tað er gott – sera gott.
Bert spell at eitt av størstu fakfeløgum okkara hevur verið brúkt sum statistur í hesum ódámliga leiki millum tveir høvuðskambar í Fólkaflokkinum, Anniku Olsen, borgarstjóra og Jørgen Niclasen, landsstýrismann.
Bæði hava tey vitað frá fyrsta degi, at tað er púrasta burturvið at hugsa sær, at limir í Starvsmannafelagnum, sum arbeiða fyri Kommunala Arbeiðsgevarafelagið, skulu fáa lægri løn enn tey, sum gera sama arbeiði fyri landið.
Bæði hava tey røkt sína egnu veljarafjøld í hesum margháttliga leiki. Og bæði hava tey fingið rúma fjølmiðlatíð til eina søgu, sum øll kendu endan á frá fyrsta degi.
Gott at Starvsmannafelagið helt fast um síni sjálvsøgdu rættindi!
Helena Dam á Neystabø, býráðslimur í Tórshavnar Kommunu
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur