Nýggi Hvalbiartunnilin verður skotin ígjøgnum týsdagin
Nýggi Hvalbiartunnilin verður skotin ígjøgnum týsdagin, almennu tilmælini um fyribyrging móti koronavirus, hava við sær at hátíðarhaldið verður fyri innbodnum. Tó hava øll møguleika at fylgja við, tí Kringvarpið stroymir beinleiðis frá hátíðarhaldinum. Tað boðar Landsverk frá.
Arbeiðið at gera nýggja Hvalbiartunnilin hevur gingið somikið væl, at longu í morgin, týsdagin, verður seinasta skotið latið av. Hátíðarhaldið - sum eru fyri innbodnum - verður við tunnilsmunnan í Trongisvági klokkan 16. Tvøroyrar Hornorkestur spælir til hátíðarhaldið.
Sigurd L. Lamhauge, stjóri á Landsverki, fer at bjóða vælkomin. Eftir hetta fer Jørgen Niclasen, landsstýrismaður í fíggjarmálum, at halda røðu.
Tá røðurnar eru hildnar, fara teir tríggir Fríðolv Eysturberg, Kári Norðberg og Jóan Pauli Næs - sum allir vóru við at byggja gamla Hvalbiartunnilin, sum varð tikin í nýtslu í 1963 - at gera seg til reiðar at trýsta á knøttin, samstundis sum gestirnir fara í trygga fjarstøðu.
Tá skotið er latið av, fara innbodnu gestirnir til móttøku í høllini í Trongisvági.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur