Faroe Islands International Minority Film Festival verður 24. til 27. juli
Faroe Islands International Minority Film Festival, eisini nevnt FIMFF, verðuur í Tórsgøtu 24. til 27. juli. Nakað av skránni bleiv avdúkað í dag.
Hóast festivalurin verður minni enn undanfarnu árini vegna korona, so lova fyriskipararnir, at hann verður líka áhugaverdur og viðkomandi við hágóðsku spæli- og heimildarfilmum sum altíð.
Festivalurin verður settur í Norðurlandahúsinum tann 24. Juli.
Tá verður biograf-útgávan av ‘Kampen om Grønland’ sýndur og leikstjórin, Kenneth Sorento, verður til staðar at greiða frá og svara spurningum.
Evnið fyri festivalin verður Black Lives Matter:
- Vit broyttu evnið fyri festivalin í ár til Black Lives Matter, hóast vit hava havt tað fyrr, tí vit mettu evnið at vera enn meiri viðkomandi nú eftir allar hendingarnar í USA og mótmælini móti rasismu kring allan heim.” sigur Nadia Abraham, stovnari av FIMFF. - Afturat tí, viðgera og kunna vit um tvørkynd bæði við filmum og framløgum. FIMFF leggur nevnliga dent á at vera so fjølbroyttur festivalur sum gjørligt við bæði at sýna filmar, hava framløgur og undirvísing um ymisk viðkomandi evni.
- Eitt nú kann eg nevna framløguna við Mary C. Namagambe, ‘Tann óhøgliga samrøðan’ um tann ‘hvíta veikleikan’ og hvussu vit kunnu gerast meiri tilvitaði um rasismu í gerandisdegnum, greiðir Nadia Abraham frá.
Skráin er at finna á heimasíðuni, fimff.org.
Mest lisið í farnu viku
Samband
Heygsvegur 8
490 Strendur