Týsdagin 14. juli komu deyðsboðini av Peter Maiden, fyrrverandi altjóða leiðari í OM (Operation Mobilisation). Á heysti í fjørð fekk hann staðfest ógrøðandi kreft, og seinasta týsdag tók Harrin tænara sín heim í dýrdina. Hann náddi bert 72 ára aldur. 

Peter Maiden var Onglendingur. Føddur í norðurenska býnum Carlisle í apríl 1948, har hann vaks upp.

Hann og konan Win vitjaðu í Føroyum í november 2012, har hann m.a. hevði fleiri seminar í hølunum hjá Dansifrøði í Gundadali í Havn. Hesi seminar vóru væl vitjað. Peter Maiden og Win fingu trý børn, sum hava signað tey við 10 ommu- og abbabørnum. 

Kristiliga Sjónvarpsstøðin IKTUS hevði samrøðu við Peter Maiden, tá hann vitjaði í 2012. Leiðslan í IKTUS hevur avgjørt at endursenda samrøðuna í hesi vikuni. Tað er Poul Jóhan Djurhuus, sum er vertur. Samrøðan verður tulkað til føroyskt. Vit ynskja, at Peter Maiden, hóast ikki við okkum meira, enn einaferð kann verða til signing og inspiratión. 

SAMRØÐAN VERÐUR HESAR TÍÐIR: 

- mánadagin 20. juli kl.11:00 – kl.16:00 – kl.21:00 og náttina til týsdagin kl.02:00 
- leygardagin 25. juli kl.11:00 – kl.16:00 – kl.21:00 og náttina til sunnudagin kl.02:00

Kristiliga Tíðindatænastan
v/ Poul Jóhan Djurhuus
https://www.facebook.com/poul.djurhuus