Smittubreiðslan minkað eitt vet seinastu dagarnar
Allar kanningar, sum vórðu gjørdar fríggjadagin 7. august, eru nú liðugt greinaðar. Tað upplýsir Landslæknin í morgun.
Tríggir nýggir tilburðir vórðu staðfestir, og sostatt vórðu í alt 11 smittutilburðir staðfestir millum tær 4.541 kanningarnar, sum vórðu gjørdar fríggjadagin.
Seinastu kanningarnar frá 8. august verða í løtuni greinaðar, talan er um 729 kanningar. Úrslitini verða almannakunngjørd, so skjótt tey eru tøk.
Í alt hava nú 306 persónar fingið staðfest smittuna.
Seinastu dagarnar er smittubreiðslan minkað nakað. Mikudagin vóru 38 koronatilburðir staðfestir, ið er met higartil. Tølini fyri hósdagin og fríggjadagin eru ávikavist 16 og 11. Seinastu kanningarnar frá fríggjadegnum og kanningarnar frá í gjár verða í løtuni greinaðar, og úrslitini verða almannakunngjørd, so skjótt tey eru tøk.
Í gjár vórðu 22 fólk staðfest frísk aftur. Talan er um teir útlendsku sjómenninar, sum fingu staðfest smittuna fyri ólavsøku.
Tað merkir, at í løtuni eru í alt 88 borgarar staðfest smittaðir í løtuni.
Mest lisið í farnu viku
Samband
Heygsvegur 8
490 Strendur