Koronakanningar á Eirargarði
Koronakanningarnar á Landssjúkrahúsinum fluttu í gjár niðan á Eirargarð og tað er ikki longur neyðugt at hava ávísing frá lækna fyri at verða kannað/ur.
Eftir ætlan verða kanningar gjørdar gerandisdagar frá klokkan 17 til 19, men hesar tíðir verða lagaðar eftir tí tørvi, sum er í samfelagnum. Seinastu dagarnar hevur ovurstórur áhugi verið millum manna at lata seg kanna og bíðirøðirnar langar.
Ferðsluviðurskiftini eru munandi frægari á Eirargarði og Landssjúkrahúsið metir sum heild, at umstøðurnar at skipa fyri koronakanningunum verða betri enn á J.C. Svabosgøtu.
Størsta broytingin er tó, at nú er ikki longur neyðugt at fáa ávísing frá kommunulækna, áðrenn tú letur teg kanna. Fólk skulu bara møta upp í bili og so taka starvsfólkini sær av kanningunum og allari neyðugari skráseting.
Skeltir eru sett upp, sum vísa vegin, tá fólk nærkast Eirargarði.
Mest lisið í farnu viku
Samband
Heygsvegur 8
490 Strendur