Borgarar í sóttarhaldi kunnu nú ringja til Reyðakross
Fyri at stuðla borgarum, sum eru í sóttarhaldi, hevur Reyði Krossur sett nýggja sóttarhaldslinju í verk. Nýggja sóttarhaldslinjan hevur samstundis til endamáls at lætta um hjá heilsumyndugleikunum, sum í løtuni arbeiða undir stóra trýstinum, sum brádliga tók seg upp fyrst í august mánað.
Endamálið við sóttarhaldslinjuni er at stuðla borgarum í sóttarhaldi, og at gera tað meira atkomuligt hjá fólki at fáa rætta vegleiðing ella víðari leiðbeining til rætta myndugleika.
Tað eru sjálvboðin hjá Reyða Krossi, sum svara uppringingunum, og sum síðani syrgja fyri, at rætta vegleiðingin verður givin.
Sóttarhaldslinjan hevur telefonnummar 1818, og svarar allar vikudagar frá kl. 10 til 15.
Og nú koronasmittan ger um seg, tørvar Reyði Krossur sjálvboðin til Hjálparnetverkið. Øll eru hjartaliga vælkomin at bjóða seg fram, boðar Reyði Krossur frá.
Mest lisið í farnu viku
Samband
Heygsvegur 8
490 Strendur