Sigla olju út um landið
Oljuna bunkra vit frá stórum tangum, sum standa í Føroyingahavnini og her í Nuuk; og so deila vit oljuna eftir tørvi út um landið. Oljan kemur til landið við einum stórum oljuskipi, sum kemur nakrar ferðir um árið og síðan fylla hesar stóru tangar,-
Tað sigur Søren Johannes Nielsen, yvirstýrimaður umborð á Oratank.
-Hetta er eitt gott skip at sigla við og eitt sindur av fjølbroytni er í tí sum sagt. Um summarið sigla vit her í Grønlandi, og um veturin eru vit í fríari sigling ymsastaðni í Europa; tí kunnu vit kanska siga, at tað líkasum eru tvær árstíðir hjá manningini,- sigur hann.
-Vanliga eru vit 12 mans við, men í løtuni eru vit 13, tí vit hava ein lærling við. Vit eru umborð í átta vikur og hava so frí í 8 vikur. Eg trívist umborð og haldi hetta er eitt gott skip við einari fittari manning,- sigur Søren Johannes Nielsen.
Teir vóru blíðir við sjómanstrúboðarin, sum vitjaði umborð leygardagin, tá skipið var í Nuuk. Teir fingu góðan lesna og ynskir um Guds signing og varðveitslu.
Sjófólkunum annars verður eisini ynskt Guds signing og varðveitslu.
Tað skrivar Føroyska Sjómansmissiónin. Myndir TJ-myndir
Mest lisið í farnu viku
Samband
Heygsvegur 8
490 Strendur