Fólkið stendur ikki aftanfyri forsetan í Hvítarusslandi
Ófriður hevur verið í gøtunum í stóru býunum í Hvítarusslandi, síðan Lukasjenko, sum hevur verið forseti og einaráðisharri í Hvítarusslandi seinastu 26 árini, segði seg hava vunnið forsetavalið einaferð enn – hesaferð við 80 prosentum.
Bjørn Engesland, aðalskrivari í norsku Helsingforsnevndini, sigur við norska kringvarpið, NRK, at støðan ikki fyrr hevur verið so dramatisk í Hvítarusslandi, sum hon er nú. Hann hevur fylgt gongdini í landinum seinastu 25 árini.
Engesland sigur við NRK, at hann metir, at Lukasjenko ikki longur hevur meiriluta aftanfyri seg, og at valúrslitið skal síggjast sum álvarsligt svik.
Umfatandi mótmælini eftir valið vísa sambært Helsingforsnevndini, at mótstøðan millum hvítarussiska fólkið móti forsetanum í dag er óvanliga stór.
“Brotini á mannarættindini eru so ógvuslig, at altjóða samfelagið beinanvegin má seta í verk revsitiltøk móti Lukasjenko og hansara einaræðisstýri,” sigur Bjørn Engesland, aðalskrivari í Helsingforsnevndini við NRK.
Mest lisið í farnu viku
Samband
Heygsvegur 8
490 Strendur