137 staðfest smittað í løtuni
Nú hava 137 fólk fingið staðfest koronasmittuna í løtuni, tað vil siga at samlaða talið av koronatilburðum, sum hava verið í Føroyum, síðan smittan kom til landið, er komið uppá 362. Tað vísa nýggjastu kanningarúrslitini, sum Landslæknin hevur kunngjørt. Úrslitini byggja á 65.948 kanningar.
Týdagin 11. august vórðu 2.444 kanningar framdar. Millum hesar eru 14 tilburðir staðfestir. 156 kanningar eru tó ikki greinaðar enn.
Mikudagin 12. august vórðu 2.099 kanningar gjørdar. Longu nú eru 12 tilburðir staðfestir.
Endaliga kanningarúrslitið er ikki tøkt enn, tí enn mangla 701 kanning at verða greinað.
Heitt verður á øll um at vísa serligt varsemi, til øll kanningarúrslit fyri kanningardagin eru tøk.
Tey, sum fáa staðfest smittuna, verða uppringd.
Smáar broytingar eru gjørdar í hagtalsyvirlitinum, og kanningar verða nú flokkaðar til tann dagin, sum hesar eru gjørdar. Seinastu tíðina eru kanningarúrslit flokkað til tann dagin, sum hesi eru kunngjørd.
Harumframt eru yvirlitið av teimum smittaðu eisini dagført. Nú ber til at síggja tey smittaðu frá 1. juli býtt í aldur og øki í landinum. M.a. sæst, at av teimum 137, sum nú eru staðfest smittað, eru 65 úr Suðurstreymi og 12 úr Eysturoynni.
Tað ber til at síggja nágreinaðu tølini á heimasíðuni, korona.fo.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur