Nýggi trolarin hjá Gullaki Madsen
Nýggi trolarin, sum kvívíkingurin, Gullak Madsen, letur byggja á Karstensen-skipasmiðjuni í Skagen, verður nærum sum eitt hotell við fimm stjørnum.
Høgleiki, tað er komfortin umborð, eins og arbeiðsviðurskiftini hjá manningini, verða á hesum nútímans fiskifarinum í toppi, millum annað fyri at geva ungfólki hug til sjógvin. Tí verða viðurskiftini, tá manningin kemur umborð nærum at rokna við eitt fimm-stjørnað hotell, sigur stjórin og skipsverkfrøðingurin, Kent Damgaard.
Hann sigur, at 89 metrar langi trolarin er ein stór uppgáva, ein hin størsta hjá skipasmiðjuni seinastu fimm árini.
Dentur er lagdur á burðardygd og vælferð hjá manningini.
- Øll framdtiftin við motorum og skrúvum er sniðgivið við tí endamálið, at nýta brennievnið best møguligt. Spælið, sum skal draga reiðskapin upp úr havinum, verður rikið við ravmagni, og tað minkar bæði um larm, orkunýtslu og útlát.
Nýggja skipið hjá Gullaki Madsen fær navnið “Ruth”, og skipið verður væntandi latið reiðarínum í juni 2021.
Gullak Madsen, reiðari, fyllur annars 75 ár í dag.
Mest lisið í farnu viku
Samband
Heygsvegur 8
490 Strendur