Privatfólk kunnu taka hesar matvørur við til Danmarkar og ES
Danska fødevarestyrelsen, sum umsitur reglurnar fyri innflutningi av matvørum til Danmarkar, og er eisini galdandi fyri innflutningi av matvørum úr Føroyum til Danmarkar hevur hesar reglur fyri ferðafólk fyri inn- og útflutning av matvørum:
Føroyingar hava loyvi at taka fiskavørur við til øll londini í ES; aðrar kjøtvørur eru ikki loyvdar at útflyta til ES. Orsøkin er, at Føroyar ikki hava heilsufrøðiliga avtalu við ES, tá umræður aðrar kjøtvørur, enn fisk. Eitt undantak er frá hesum reglum; ES hevur viðtikið, at privatfólk í Føroyum kunnu hava ávísa mongd av djóraúrdráttum, øðrum enn fiski, við sær í viðførinum úr Føroyum til Danmarkar ella senda til privatfólk í Danmark. Ávísar treytir eru fyri hesum útflutningi av mati til Danmarkar. Hesar kunnu síggjast á heimasíðuni hjá Heilsufrøðiligu Starvsstovuni.
Privat fólk kunnu innflyta til Danmarkar úr Føroyum fylgjandi mongdir av djóraúrdráttum, uttan at djóralæknin á marknaeftirlitinum skal gera eftirlit við einstøku sendingunum:
10 kg pr. ferðafólk til Danmarkar av kjøti og kjøtvørum
10 kg pr. ferðafólk til Danmarkar av mjólk og mjólkavørum
10 kg pr. ferðafólk til Danmarkar av øðrum vørum úr djórum t.d. egg
Ongar avmarkingar eru á mongdini av fiskavørum.
Mest lisið í farnu viku
Samband
Heygsvegur 8
490 Strendur