Fyrrverandi sakførari hjá Trump gevur forsetanum frammaná í bók
Fyrrverandi sakførarin hjá Donald Trump heldur í nýggjari bók uppá, at Trump samstarvaði við Russland fyri at vinna forsetavalið í 2016.
Michael Cohen, sum fyrrverandi sakførarin hjá Donald Trump eitur, kallar í bókini Trump fyri snýtara, lygnara, falsara, bølmenni og rasist. Og hann sigur, at Trump fer ikki úr forsetasessinum friðarliga
Tað skrivar NBC-News.
Millum skuldsetingarnar í bókini er, at Trump royndi alt fyri at koma nærri russiska forsetanum, Vladimir Putin – og hansara harkaliði av korruptum milliardaríkum-oligarkum.
Hetta sæst alt í nýggju bókini “Disloyal, A Memoir”.
Michael Cohen heldur í bókini uppá, at Donald Trump leyg fyri fólkinum um viðurskifti síni við Russlandi, tí Cohen var sjálvur vitni til royndirnar hjá Trump at útvega sær ognir í Moskva undir valdystinum.
Michael Cohen, sum var róptur “persónligi fiksarin” og “uppruddarin” hjá Donald Trump, hevur sjálvur sitið fongslaður fyri skattasvik.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur