Føroysk frálandsvinna sær møguleikar í Ísrael
Landsstýrismaðurin í uttanríkismálum, Jenis av Rana, ynskir at rudda slóð fyri føroyskum fyritøkum í Ísrael
Í mong ár hava føroysk frálandsskip arbeitt á nærum øllum heimsins høvum, eitt nú í Miðjarahavinum, tó ongantíð í ísraelskum sjógvi. Hetta kann tó broytast, nú ætlanin er at lata upp føroyska umboðsstovu í Ísrael.
Landsstýrismaðurin í uttanríkismálum, Jenis av Rana, segði við Útvarpið nú um dagarnar, at hann hevur í umbúnað at skipa fyri eini føroyskari vinnuferð til Ísreal seinni í ár sum partur av royndunum at knýta tættari bond millum Føroyar og Ísrael.
Stjórin á frálandsreiðaríinum, Skansi Offshore, Jens Meinhard Rasmussen vónar, at nýggja samstarvið millum londini eisini kann lata upp hurðar fyri føroyskari frálandsvinnu í hesum partinum av heiminum og leggur aftrat, at felagið hevur áhuga í eini slíkari vinnuferð.
-Vit eru longu við ísraelska markið og hava tænastur tey eftispyrja. Vit hava arbeitt út frá bæði Kypros og Egyptlandi so hví ikki eisini Ísrael. Fyri okkum hevur hetta stóra økið í eystara partinum av Miðjarahavinum altíð verið eitt fokusøki. Tí tað hóskar nokk so væl til eitt reiðarí av okkara stødd og við tí beligginheit vit hava. Og eg dugi ikki at síggja, hví vit ikki skuldu troytt teir møguleikar, sum eru í Ísrael. Tað burdi verið likatil hjá føroyingum, sigur Jens Meinhard Rasmussen við Útvarpið.
Skansi Offshore hevur ligið upp ímóti ísraelska markinum í Miðjarahavinum við tveimum skipum og hevur tær tænastur tey eftirspyrja. Har er talan um bæði leiting eftir olju og gassi og framleiðslu eisini í Ísreal.
Ísreal stórur gassframleiðari
Í dag er Ísrael útflytari av gassi. Hetta stavar frá miðvísari leiting, og umleið 10 gassfundum landið hevur gjørt nú í nøkur ár á djúpum vatni í Miðjarahavinum.
Áðrenn tað av álvara varð farið at bora eftir kolvetnum hevur Ísrael dúvað uppá innflutta olju og gass, men ikki minst risastóra gasskeldan Leviathan hevur púra broytt hetta. Keldan er so mikið stór, at .... lesa alla greinina HER
Greinin, sum JAN MÜLLER hevur lagt til rættis stendur á oljan.fo.
Mest lisið í farnu viku
Samband
Heygsvegur 8
490 Strendur