ÖDN WEAR umboðar Føroyar í finalu í Arctic Future Challenge
Føroysak fyritøkan ÖDN WEAR er tilnevnd "National Winner" í tveimum bólkum í Arctic Future Challenge kappingini. Tað skrivar Vinnuframi á heimasíðuni.
Fyritøkan ÖDN WEAR er vald at umboða Føroyar í finaluni í Arctic Future Challenge, sum er ein kapping fyri ungar íverksetar í Arktis. Kappast verður í trimum bólkum og ÖDN WEAR er vald at umboða Føroyar í bólkunum Ársins ungi íverksetari og Ársins unga íverksetarafyritøka.
Í fyritøkuni eru tær trýggjar ungar kvinnur, sum hava sum mál at arbeiða fyri burðardyggari framleiðslu. Tær framleiða eitt nú jakkar og taskur úr tjøldum, sum fólk ikki taka við heim av festivalum. Hvørt produkt hevur sína søgu og keyparin kann fáa at vita av hvørjum festivali eitt nú keypti jakkin hevur sín uppruna.
ÖDN WEAR hevur eisini eina verkætlan á Hópfígging í løtuni.
Finalan í Arctic Future Challenge verður í Reykjavík í oktober.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur