Finn Løvlund í Nuuk: Gleði meg at hitta sjófólkið
-Eg eri komin her til Nuuk og skal vera her í tríggjar mánaðir fyri at stuðla upp undir tað góða og týdningarmikla arbeiðið, sum verður gjørt í og út frá sjómansheiminum. Eg, saman við, millum øðrum, teimum fýra ”voluntørunum”, sum arbeiða á sjómansheiminum, ynskja at røkka út í býin og ikki minst oman á havnina, við tí góða Guds orði og hjálparhond, tí tað er eitt av endamálinum hjá Sjómansmissiónini-
Tað sigur sjómanstrúboðarin, Finn Løvlund, sum til dagligt er sjómanstrúboðari í Esbjerg, Hvide Sande, v.m.
-Eg gleði meg eisini til at hitta sjófólkið, og tí má eg oman í havnina og hitta tey har. Sjófólkið er altíð vælkomið her á sjómansheimið; og eg komi at vera her nógv av tíðini, eg verði her í Nuuk,- sigur hann.
-Eg havi verið sjómanstrúboðari her fyrr, men bara í tvær vikur. So havi eg vitjað her í Nuuk og í hinum býunum, har sjómansheim eru, tí eg siti í høvuðsstýrinum hjá donsku Sjómansmissiónini. Eg var eisini við til fimmti ára haldini hjá sjómansheimunum í Nuuk og í Sisimiut í fjør, og tað var ein góð uppliving- sigur Finn Løvlund.
Tað skrivar Føroyska Sjómansmissiónin- Mynd TJ-myndir. Fleiri mydir síggjast HER
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur