Fyrstu næmingarnir á Føroya Eftirskúla eru komnir
Søgan um ein eftirskúla í Suðuroy byrjar fyri meira enn 20 árum síðan, meðan søgan um eftirskúlar yvirhøvur í Føroyum hevur nærum 40 ár á baki.
Í dag, 19. August, verður ein søguligur dagur fyri Suðuroynna og allar Føroyar, nú eitt serstakt mál er rokkið. Tí í dag er fyrsti skúladagur á Føroya Eftirskúla á Tvøroyri. Næmingar úr øllum landinum, og úr Danmark, koma til Tvøroyrar at ganga í eftirskúla.
Óivað kann ein lítil søguligur bóklingur skrivast um tilgongdina og undangongufólki, sum hevur slóðað fyri eftirskúlatilboðnum í Føroyum. Søgan um ein eftirskúla í Suðuroy byrjar fyri meira enn 20 árum síðan, meðan søgan um eftirskúlar yvirhøvur í Føroyum hevur nærum 40 ár á baki.
Tó so, má dagurin merkjast í søgubøkurnar, tí ikki færri enn tveir eftirskúlar skulu byrja í Føroyum. Føroya Eftirskúli á Tvøroyri og Brúgvin, eftirskúlin í Skálavík.
Mest lisið í farnu viku
Samband
Heygsvegur 8
490 Strendur