Umhvørvisdálking á Mauritius: Indiskur skipsførari handtikin
58 ára gamli indiski skipsførarin á strandaða og brotnað skipinum við á Mauritius, Wakashio, er nú handtikin. Hann er skuldsettur fyri at hava “hótt trygga navigering”, upplýsir løgverjan á staðnum sambært BBC.
Síðan skipið rendi á land, hevur tað likið hundraðtals tons av olju, sum hevur elvt til størstu umhvørvisdálkingina á Mauritius yvirhøvur.
Indiski skiparin á Wakashio hevur verið í rættinum í Port Louis, sum kunnaði hann um skuldsetingarnar. Til rættarfundin 25. august, situr skiparin sitandi varðhaldsfongslaður.
Fyri at finna orsøkina til hví skipið sigldi á land, hevur løgverjan á Mauritius eisini avhoyrt manningina. Her hevur onkur av manningini sagt, at teir hildu ein føðingardag umborð, tá skipið rendi upp á turt við 4.000 tonsum av brennievni í tangunum. Í minsta lagi 1.000 tons eru likin á sjógv og hava elvt til ógvusliga dálking í einum av vardu náttúruøkinum hjá UNESCO.
Ein onnur teori, sum hevur verið nevnd, er at skipið hevur siglt ov tætt við land fyri at fáa WiFi-signal til alnetið umborð.
Indiski skiparin hevur ongar viðmerkingar gjørt enn, skrivar BBC.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur