Esbjerg Politi Idrætsforening skipar fyri renning í føroyum
Fyrireikingarnar hava verið í gongd síðani 2017 og í 2018 vóru 2 mans í Føroyum og teknaðu rutuna á kort, sum rennast skal í haganum við Toftavatn.
Vitarenning við Toftavatn í 2021
2. august 2021 verður vitarenning (orienteringsløb) í haganum við Toftavatn. Byrjað verður á Svangaskarði, har málið eisini verður.
Tað er Esbjerg Politi Idrætsforening, sum skipar fyri einum túri til Føroyar eftir ólavsøku í 2021. 120 luttakara hava teknað seg til føroyatúrin og tað er fullteknað. Luttakararnir, sum eru løgreglufólk og familjulimir teirra, eru úr Danmark, Svøríki og Noreg. Harumframt verður tað eisini møguleiki hjá føroyingum at luttaka.
Í vitarenning verður runnið í ókendum øki og tí er neyðugt við korti og kumpas tá runnið verður. Á rutuni eru fleiri eftirlitstøð (postar), sum rennarnir skulu finna. Endamálið er so at finna skjótasta vegin til øll eftirlitsstøðini í rættari røð og koma fyrst á mál. Sum skilst verða fleiri teinar og longsti teinurin verður 6,5 km.
Fyrireikingarnar av vitarenningini hava verið í gongd síðani 2017 og í 2018 vóru 2 mans í Føroyum og teknaðu rutuna á kort, sum rennast skal í haganum við Toftavatn.
Tað skrivar nes.fo
Mest lisið í farnu viku
Samband
Heygsvegur 8
490 Strendur