Gørn eru sosialari enn lína
Meðan føroysk línuskip burturav royna við línu, so veiða nøkur norsk línuskip við gørnum ávísa tíð á árinum. Eitt teirra er Nesbakk. Tormóð Nesá, siglir við Nesbakk og hevur sent eina heilsan, nú teir royna við gørnum.
-Vit plaga at royna við línu eftir longu hesa tíðina á árinum, men vegna koronu, er longuprísurin vánaligur og agnprísurin høgur, tí loysir tað seg illa. Harafturat ljóðar, at nógv fryst longa liggur á lagri. Tí avgjørdi skiparin, at vit heldur skuldu fara við gørnum eftir upsa.
Vit royna vestan- og norðanfyri Hetland og á Tampanum. Hóast vit royna aftir upsa, so fáa vit væl av longu í, viðhvørt,- sigur Tormóð.
- Flestu umborð dáma betri at royna við línu enn gørnum, men tað er sosialt stuttligari at royna við gørnum, tí tá arbeiða vit nærum allir saman allan dagin. Vit skiftast so um at seta aðruhvørja ferð. Upsin er sera stórur, og vit fáa 16-17 norskar krónur fyri kilo,- sigur Tormóð.
Hann heilsar við einum orði frá Orðatøkum Sálomons, kap.3,5-7, sum hann er glaður fyri.
-Troysta á Harran av øllum tínum hjarta, men lít ikki á vitsku tína. Minst til hansara á øllum tínum leiðum, so man hann javna vegir tínar. Ver ikki vísur í egnum eygum, óttast Harran og flýggja frá illum.-
Sjómansmissiónin ynskir teimum umborð á Nesbakk og sjófólkunum annars Guds signing og varðveitslu!
Tað skrivar Føroyska Sjómansmissiónin á facebook-vanga sínum. Mynd TJ-myndir - fleiri myndir HER
Mest lisið í farnu viku
Samband
Heygsvegur 8
490 Strendur