Í summar hevur fjølmentasti statur í USA, California, verðið plágaður av streymloysi, so inniljós, A/C, køli- og frystiskáp hava verið óvirkin í hitanum.

Eisini hevur Gullstaturin verðið herjaður av skógareldum (orsøkirnar seinni).

Kaliforniski búskapurin er so stórur, at hann hevði verið heimsins 6. størsti í sjálvum sær. Ein afturgongd frá at vera heimsins 4. størsti til fyri stutt síðan. 

The Golden State er 423.000 km2 (sum Frakland) og telur 40 mió fólk, men av teim eru bert 37% ‘hvít’ (frá heili 77% í 1970). Størsti minnilutin er Latinos 39% (frá bert 17% í 1970). Ein stórur partur hevur ‘brotið inn’ í USA. 15% eru asiatar og bert 6% svørt, tí tey hava ikki ráð til at keypa hús í California.

California hevur størst inntøkumun frá teim ríkastu 25% til tey fátækastu 25%. Heilur triðingur av íbúgvunum liggja undir fátækramarkinum, og útivið 100.000 fólk búgva, á gongubreytum, parkum og tjøldum í lýkkuni – uttan vatn og vesi.

California er mest sosialistiski statur í USA (ein Dem (‘sovjetrepublik’) við t.d. hægsta skattatrýsti og strangastu umhvørvislógum. Netto flyta 100.000 fólk úr Calif árliga (flestu hvít) til meiri borgarligar grannastatir TX, Nev. Ut, ID og Ariz. 1000-tals vesælavætti brúka gongubreytir til sova, og drøggsøla blómar. Býráðið í S.F. brúkar í ár $ 93 mió til at sópa mannatrekk og drøggnálir upp.

Guvernørurin, flestu valdu ebætismenn, báðir senatorarnir, 45 av 54 kongresslimum og býráðini í størstu býunum eru sosialistar. Skilið er hareftir: 

Flestu politikarar eru ‘dygdarflaggarar’ og klimafasistar. Eingi el-orkuverk ella vatnbrunnar eru bygd í Cal í 40 ár. Kjarnorkuverkini eru niðurløgd. 1000-tals vindmylnur og km2 av sólpanelum lýta landslagið. Tí trýtir el-orka í ólukkumát.

Eldar kykna og herja, tí turt viðarbrenni liggur tjúkt í friðaðum skógarbotnum. Sløkkipumpur virka ikki uttan el-orku. Hús hjá ‘chardonnay’-Dems kolast upp. 

Nú hevur Trump-stjórnin sent Dem stjórnini hjá Gavin Newsom í Cal fleiri risa mobilar diesel-generatorar á landi og ein hóp av skipum í størri havnum til at tryggja kaliforniska fólkinum ríkiliga el-orku til at sleppa ígjøgnum heystið.

So kunnu Dems agitera fyri Joe Hiden og brúka skattapeningin til kynsskifti og linari revsing av búrkroppum, ið bróta, brenna og ræna handilsgøtur á nátt.