Súkklutúnið í Steinatúni latið upp
Gamla kioskin í Steinatúni er nú súkklutún. Hølini eru dagførd, og súkklandi eru vælkomin at parkera súkkluna í lívd fyri veðri og vindi.
Uttanfyri er ein tænastustøð til súkklur. Her kunnu súkklur fáa luft í dekkini, og til ber at gera smáar ábøtur á súkkluna við amboðum, sum eru á støðini.
Hølið í Steinatúni kann framvegis nýtast sum bíðirúm hjá teimum, sum nýta bussarnar. Vesini eru enn opin fyri almenninginum.
Átakið at gera almenna súkkluparkering í Steinatúni er partur av Súkkluárinum 2020, sum kommunan setti á rull við ársbyrjan. Súkkluárið fevnir um fleiri átøk, sum hava til endamáls at betra um umstøðurnar fyri ferðandi á súkklu í Havn umframt at varpa ljós á grøna ferðslu.
Tórshavnar kommuna samtykti í juni, at gamla kioskin í Steinatúni skuldi gerast til alment súkklutún.
Mest lisið í farnu viku
Samband
Heygsvegur 8
490 Strendur