Kollafjarðarbørn vunnu fiskikappingina
Tað vórðu enn einaferð børn úr sætta flokki í Kollafjarðar skúla, sum vunnu fiskikappingina “Á flot við Westward Ho”. Í gjáramorgun var steypahandan í skúlanum.
Hesaferð var tað borgarstjórin, Annika Olsen, sum handaði steypið og helt røðu fyri næmingunum. Hon greiddi frá, at túrarnir enn sum áður eru skipaðir sum ein fiskikapping, soleiðis, at tann flokkurin, sum hevur fiskað flest fiskar, fær steyp til ognar.
- Tað er ótrúliga stuttligt, at kappingin framvegis fær so góða undirtøku millum skúlarnar. Á hesum túrum fáa næmingar høvi at royna seg á sluppdekki umborð á Westward Ho, sum taldist millum tær nógvu sluppirnar, sum komu til Føroya úr Onglandi fyri skjótt 150 árum síðan!
- Endamálið við tiltakinum “Á flot við Westward Ho” er haraftrat, at næmingarnir í sætta flokki fáa samband við sjógvin, fáa eina fatan av siglingarsøguni, og at tey sleppa á flot, og Westward Ho hevur verið ikki færri enn 16 túrar við næmingunum í sætta flokki.
- Størsta fiskin í ár fekk Eydna Reinert Nielsen frá 6. b í Santa Frans Skúla. Fiskurin vigaði 7,2 kg. Eisini hjartaliga tillukku til Eydnu, sum fær eina gávu frá Jógvan Weihe. Fiskikappingin byrjaði í 2009. Og úrslitið av fiskikappingini hesaferð vísir, at flokkurin, sum fekk flestar fiskar, aftur var Kollafjarðar skúli.
Les meira her: torshavn.fo
Mest lisið í farnu viku
Samband
Heygsvegur 8
490 Strendur