Mánadagur 21. Frískur vindur av vestri, 8-9 m/s, regn fyrrapartin, men turt seinni og hitin um 10 stig

Týsdagur 22. Andøvsgul av ymsum ættum gangandi í norðan 5-6 m/s, regn stóran part av degnum og hitin 9-7 stig

Ónsdagur 23. Frískur vindur av landn snarandi í sunnan, 4-9 m/s, ælaveður, tó kemur sólin fram og hitin 6-8 stig

Tórsdagur 24. Lands gangandi upp í landn, 7-9 m/s, turt og sól og hitin 7-9 stig

Fríggjadagur 25. Norðan 6-4 m/s, okkurt æl, men sólin sæst og hitin 6-7 stig

Leygardagur 26. Sunnan 8-12 m/s, ælaveður, men regn um kvøldið og hitin 7-10 stig

Sunnudagur 27. Sunnan gangandi í vestan 10-12 m/s, regn tað mesta av degnum, tó kann sólin koma fram seinnapartin og hitin alt samdøgrið um 10 stig.

Samanumtikið: Skiftandi vindar, tó ikki nógvur vindur, rættiliga nógv avfall summar dagar og toliliga lýtt.

Veðurtekn:Týsdagin  hava vit heystjavndøgn. Hetta merkir, at dagur og nátt eru eins, 12 tímar. Sólin kemur upp í ein beinan eystan og fer niður í ein beinan vestan. Ofta er stormur um hesa tíð, kallað javndøgursstormar

Petur Hans sigur soleiðis um veðrið á Ovarugøtu kl. 7 í morgun: Vestan 5 m/s, regn og hitin 8 stig