Nýggi Borgaralistin heldur almennan uppstillingarfund
Nýggi Borgaralistin heldur almennan uppstillingarfund til býráðsvalið í Runavíkar kommunu í Bylgjuni mánadagin 28. september kl.19.
Talan er um ein nýggjan felagslista, ið ikki er staðbundin, men arbeiðir fyri samanhaldi og breiðari umboðan. Borgaralistin ynskir mest møguligt eina uppstilling, ið er javnt býtt millum bæði kyn.
Endamálið við nýggja listanum er at varða áhugamál hjá øllum borgarum í kommununi.
Jógvan Andersen innleiðir við endamálinum við einum nýggjum felagslista og orðstýrari verður Hjalmar Hansen úr Rituvík.
Møguligt er at hava upp til 15 valevnir. Listin skal sambært lóg hava millum 15 og 25 stillarar, ið eisini verða funnir á fundinum.
Fyrireikararnir vóna at borgarar úr øllum bygdum møta fjølment.
Tað skrivar Nýggi Borgaralistin á facebook-vanga sínum
Mest lisið í farnu viku
Samband
Heygsvegur 8
490 Strendur