Eyðun á Lakjuni hevur aftur hesuferð játtað at lata seg stilla upp til kommunuvalið, sum verður 10. november í ár. Eyðun hevur sitið 5 setur í býráðnum í Fuglafirði – tað vil siga í 20 ár. So hann verður ivaleyst tann við flestu kommunupolitisku royndunum, sum stillar upp yvirhøvur í Fuglafirði hesuferð.

Hann var fyrstu ferð valdur í nov. í 2000, og hevur síðani verið valdur hvørja ferð. Tá ið Eyðun stillaði upp á fyrsta sinni, var eitt av høvuðsmálum hansara at fríðka um í bygdini. Og tað er onki at taka seg aftur í, at sera nógv er hent á hesum øki síðani tá.

Eyðun á Lakjuni hevur í kommununi verið heitasti talsmaður fyri at fáa skúlabyggingina, sum nú skjótt stendur liðug, á skinnara. Hann var formaður í bygginevndini heilt frá byrjan. Hann hevur eisini saman við hinum á lista B kempa fyri, at vit í Fuglafirði hava góðar karmar hjá vinnuni at arbeiða undir.

Í farandi setu hevur Eyðun verið limur í Fíggjarnevndini og í Mentamálnevndini.

Eyðun er eins og hini spentur til valið, og vónar at listi B - og eisini hann sjálvur - fáa eitt gott val, so tey kunnu gera sína ávirkan galdandi í Fuglafjarðar kommunu.