Árliga fiskikappingin hjá segl- og skúlaskipinum Dragin, varð hildin í góðverðriðnum leygardagin.

Flestu bátarnir royndu í Kalsoyarfirði, suður úr Borðoyanesinum, eysturi í Íðuni og onkur norður úr Nakkinum.

Bátarnir loystu klokkan 7.30 og vóru aftur klokkan 17.00. Ímeðan veiðan varð vigað, varð suppa bjóða manningunum umborð á Draganum.

18 bátar luttóku, og samlaða veiðan gjørdist 5600 pund.

Úrslitið gjørdist:
Nr. 1: ‘Malla’ við Hans Edmund Josephsen og Ólavur Gaard: 780 pund
Vinningur: Tveir gávukekkar á 4.000 kr. (Stuðul: Føroya Sjómannadagur)

Nr. 2: ‘Norðan’ við Petur J. Svøðstein og Einar Heinesen: 585 pund
Vinningur: Tveir gávukekkar á 3.000 kr. (Stuðul: Christian í Grótinum)

Nr. 3: ‘Húshamar’ við John Erik Sirdal og Jørgin Olsen: 567 pund – Vinningur Nr. 3: Tveir gávukekkar á 2.000 kr. (Stuðul: Dragin KG 212)

Størsta fisk, ið var 104 cm, fekk báturin Malla. Vinningurin var ein gávukekkur á 2.000 kr. (Stuðul: Føroya Sjómannadagur)

Vinnarin av lutakastinum millum bátarnar, gjørdist báturin Rejen. Vinningurin var ein gávukekkur á 2.000 kr. (Stuðul: Garpar)

Dragin takkar øllum luttakarunum og stuðlum.