FBI tikið til rættarsókn yvir 5.000 BLM leiðarar fyri harðskap
Sosialistar og naivistar gingu kravgongu eisini í Havnar gøtum ímóti, at ein hvítur løgreglumaður tann 25. mai kvaldi ein 43 ára gamlan narkoman og 9 ferðir tiknan, dømdan og fongslaðan brotsmann, George Floyd, í Minneapolis.
Síðan tá hava svartir búrkroppar skotið og dripið 1000-tals onnur svørt í gøtubardøgum, harkalið móti harkaliði. Um tað hava ongar kravgongur verið.
Drápið á Floyd byrjaði spurtin í forsetavalstríðnum hjá Democrats í USA. Vinstrahall svørt (BLM) og hvít (Antifa) tustu út á gøturnar í serliga Democrat stýrdum býum og statum í USA. Teirra myndugleikar eggjaðu uppreistrarfólki til at steina handilsrútar, ræna handlar og seta eld í hús í handilsgøtum.
Dem býarstýri, embætisfólk og politikarar skerdu pengajáttanir til løgregluna á staðnum og noktaðu Trump og stjórnini í Washington at seta tjóðarhirðina inn, har sum løgreglan helt seg aftur, tí henni vantaði útgerð at verja fólk og fæ.
Miðal hampa fólk í øllum USA, hvít sum svørt, serliga í Dem stýrdum býum og statum, har sor og eldur herjaðu mest, øtaðust og bóðu Washington um hjálp.
Í farnu viku boðaði Bill Barr, løgmálaráðharri í Trump-stjórnini frá í Chicago, at FBI hevði til tá handtikið 5.000 av ringastu brótararossunum hjá marxistiska BLM og fasistiska Antifa, og higartil rættarsøkt yvir 2.000 fyri harðskap.
Við hesum verða flestir lógleysir brotsleiðarar drignir til svars fyri at hava herjað og gjørt størstu oyðingar av virðum í søgu USA fyri milliardir dollarar.
Henda politiatsókn ber heitið Operation Legend, nevnd eftir einum 4 ára gomlum smádreingi, varð skotin heima í seingini undir bardøgum millum tvey vápnað harkalið. Hvørki tá, ella tá hini 10-tals svørtu børnini vórðu særd og myrd, hava mótmæli verið, hvørki av svørtum ella hvítum, og als ikki í Havn.
Í fjør skutu amerikanskir løgreglumenn 9 óvápnað svørt fólk av misgávum, ið er 1/3 av teimum óvápnaðu hvítu, ið løgreglumenn skutu í arbeiði. Hagtøl prógva, at ein amerikanskur løgreglumaður er í 18 ferðir størri vanda fyri at vera skotin av einum svørtum enn øvugt. Men eingi mótmæli um tað.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur