Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing

12 milliónur krónur til loysnir við Karlamagnusarbreyt

Innanlands | 30/10-2020 08:13

Nú fáa íbúgvarnir niðast á Karlamagnusarbreyt møguleika at seta bilin frá sær, børnini fáa spælipláss, og grønu geirarnir verða varðveittir. Tórshavnar býráð hevur í kvøld játtað næstan 12 milliónur krónur til parkering, ferðslutrygd og trivnað við Karlamagnusarbreyt.

Býráðið hevur í kvøld samtykt at keypa tvey grundstykki á Karlamagnusarbreyt. Við hesum grundstykkjunum ber til at nøkta tørvin á parkeringsplássum á strekkinum millum Hoyvíkar Skúla og Atlagøtu, omanfyri Bónus. Harafturat hevur býráðið játtað pening til ferðslutrygd, spælipláss og gongugøtur í økinum – tilsamans 11,6 milliónir krónur.

Tað eru grundstykkini á Karlamagnusarbreyt 10 og 12, sum Tórshavnar kommuna í kvøld hevur fingið heimild at keypa. Tryggingarfelagið LÍV eigur grundstykkini, sum kommunan keypir fyri 4,6 milliónir krónur tilsamans. Talan er um grundstykki, sum LÍV upprunaliga hevur keypt frá privatum eigara. Við hesi íløguni fer kommunan at loysa stóra parkeringstrupulleikan á Karlamagnusarbreyt. Harumframt eru 7 milliónir krónur játtaðar til ferðslutrygd, trivnað og aðrar íløgur í økinum.

Parkering, ferðslutrygd og trivnaður
Kommunan hevur nýliga gjørt eina kanning av trivnaðinum við Karlamagnusarbreyt. Sum heild eru fólk nøgd við bústaðin hjá sær, men tey eru ónøgd við parkeringsviðurskiftini, ferðslutrygdina og tey sakna møguleikar til uttandura ítriv. Býráðið hevur í kvøld loyst stóran part av hesum trupulleikum.

Tørvurin á parkeringsplássum er størstur á niðaru helvt av Karlamagnusarbreyt. Metti tørvurin á hesum strekkinum er 180 parkeringspláss. Hesin tørvur verður nøktaður, nú kommunan fer at gera parkeringsøki á Karlamagnusarbreyt 10 og 12.

232 borgarar hava í sambandi við kanningina gjørt viðmerkingar til viðurskiftini við Karlamagnusarbreyt. Fleiri teirra vísa á, at ferðslutrygdin ikki er nóg góð, at økið manglar grønar geirar, og at spælipláss mangla í økinum.

Býráðið hevur lurtað eftir hesum ynskjum og hevur í kvøld samtykt at seta 3 milliónur krónur av til ferðslutrygd, gøtur og spælipláss í økinum. Harafturat eru 4 milliónir krónur settar av á íløguætlanini fyri 2021 hjá tekniska økinum, ið skulu bøta um viðurskiftini á Karlamagnusarbreyt. Harumframt er tøk játtan á fíggjarætlanini fyri 2020 til lendisgøtur í økinum kring Karlamagnusarbreyt.

Grønir geirar
Við at keypa grundstykkini á Karlamagnusarbreyt 10 og 12 slepst undan at brúka grønar geirar til parkeringspláss. Við hesi loysnini verður grøni geirin millum Myllutjørn, Hoyvíkar Skúla og Hoyvíkshøllina varðveittur til gleði fyri tey mongu børnini, sum hvønn dag fara til gongu í skúla ella til frítíðarítriv eftir gøtunum í økinum.


Annika Olsen,

borgarstjóri


Lagt út:
Lýsing
Mest lisið í farnu viku
MYNADARØÐ: Aftur eitt plettskot hjá Halleluja-Sofusi
Gávan frá listamanni­num komin aftur til Kaggan
"so be it!"
Øll húsharhald fáa jólagávu frá hesi kommunununi í dag
Sera klossut av Fólka­flokki­num í Klaksvík
Onki hald í meining­ini - Johan Dahl
Á Torginum 17. nov. 2020 - Samrøða: Hanna og Sámal Jákup Hansen
Samrøða: Henrik Old um mat í gomlum døgum
Táið menn gera mun
Fráboðanir­nar um skaðar eru komnar úr 19 bygdum
Til minnis um Birgar Johannesen
Úr bandasavni­num: Samrøða við Atli Klein Olsen 1. partur
NØVN: Meinigheits­húsið í Havn tveir nýggjar stýrislimir
Brandur Sandoy: Er hon bygd til deyðavatn, ella hvat?
So skal tað takast niður
Vespureiðrið (161) - 23. nov. 2020
Frá áhugamáli til vinnuveg
NØVN: Heppin at hava lært hjá SEV
Teir eru byrjaðir at rigga til nýggja barna­garðin við Gøtugjógv
Úr bandasavni­num: Samrøða við Eyðun Joensen 4. partur
Samrøða: Gitte Klein um nýtsla av telduskíggjum í samband við heilsu
Nevndarlimir í LGBT Føroyar hittu Kaj Leo Johannesen
Fara at skráseta staðarnøvn í Vágs kommunu
Nevndir­nar eru nú eisini uppá pláss í Hvalba
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi