Á royndarstøðini hjá Equinor í Porsgrunn verður CO₂ flutt gjøgnum rørleiðingar bæði sum gass og væta. Endamálið er at læra meira um, hvussu CO₂ ber seg at undir rørflutningi, nakað, sum hevur alstóran týdning fyri framtíðar flutningin og goymsluna av CO₂. 

“Tað tit her eru í gongd við er eitt sera týdningarmikið íkast til royndirnar og strategiina hjá stjórnini at fanga, flyta og goyma CO₂”, segði Erna Solberg, forsætisráðharri, tá royndarstøðin lat upp nú um dagarnar. Equinor hevur síðani 1996 flutt CO₂ frá Sleipner feltinum í Norðsjónum  og frá Snøhvit feltinum í Barentshavinum síðani 2009, nakað, sum hevur givið felagnum stóran kunnleika til CO₂ flutning. Nú hava Equinor saman við tess partnarum Total, Gassnova og Gassco bygt eina nýggja royndarstøð fyri at fáa betri kunnleika til CO₂ flutning. 
 
Hetta fer at vera grundarlagið fyri framtíðar virkseminum, har bestu loysnirnar til at fanga, flyta og goyma CO₂ finnast. Talan er um verkætlanina Northern Lights, sum roynir at finna bestu og bíligastu loysnirnar til at goyma CO.

Tað skrivar JAN MÜLLER á oljan.fo