Nú á R7
Samband
R7 Kringvarp
Postboks 226
FO-600 Saltangará
Lýsing
Lýsing
? / ??

Silda- og svartkjaftakanningar lidnar

Innanlands | 18/05 14:36

Nakað minni av norðhavssild var skrásett í ár enn seinastu trý árini.

Magnus Heinason kom mánadagin aftur av silda- og svartkjaftakanningum norðan fyri Føroyar. Nakað minni av norðhavssild var skrásett í ár enn seinastu trý árini. Tað var serliga í syðra parti av kanningarøkinum og eystur móti markinum, at minni var at síggja í ár.

Hinvegin var nakað meira av svartkjafti skrásett. Tó skal viðmerkjast, at kanningarøkið broytist frá ári til árs, so úrslitini kunnu ikki beinleiðis sammetast millum ár. Ein meting av øllum sildastovninum verður gjørd seinni í summar, tá úrslitini frá øllum skipunum verða tøk.

Eins og í undanfarnu árunum er sildin sum heild stór, men í ár var eisini smærri sild at fáa á nøkrum støðum. Mestsum onki av ársgomlum svartkjafti var at síggja – hetta samsvarar væl við svartkjaftakanningarnar, sum vórðu gjørdar sunnanfyri í apríl mánaði.

Kanningin er skipað sum altjóða felagskanning, sum ICES samskipar. Føroyar luttaka saman við Noregi, Íslandi, Danmark og Russlandi. Hini skipini eru framvegis ikki liðug at kanna havøkini norðan fyri Føroyar.


Skrivað: Helgi Abrahamsen
Nú á R7
Samband
R7 Kringvarp
Postboks 226
FO-600 Saltangará
Lýsing