Nú á R7
Samband
R7 Kringvarp
Postboks 226
FO-600 Saltangará
Lýsing
Lýsing
? / ??

Orkudrykkir eru ikki ætlaðir børnum at drekka

Innanlands | 18/05 16:45

Heilsufrøðiliga Starvsstovan ávarar nú foreldur ímóti at lata børn drekka orkudrykkir.

“Eitt barn sum vigar 40 kg. (uml. 11 ára gamalt), eigur ikki at fáa meira enn 100 mg. av koffeini um dagin. Í einum hálvum litri av orkudrykki eru vanliga 160 mg. av koffeini, sigur Heilsufrøðiliga Starvsstovan. Starvsstovan mælir tí børnum heilt frá at drekka orkudrykkir, og tað ger matvørustýrið í Danmark eisini.

Heilsufrøðiliga Starvsstovan sigur, at orkudrykkir eiga at vera merktir soleiðis, at teir ávara børn, kvinnur, ið eru við barn, og kvinnur, ið geva bróst, um, at tey ikki eiga at drekka slíkar drykkir. Eisini sigur Starvsstovan, at alkohol og orkudrykkir eru ein vandamikil blanding.

Nøgdin av koffeini í eini vanligari cola er 92 mg. pr. litur, meðan tað er eru 160 mg. av koffeini pr. kg av ljósari sjokulátu. Í orkudrykkjum er nøgdin upp til 320 mg. pr. litur og í vanligum kaffi er nøgdin um 655 mg. pr. litur.

Longu áðrenn orkudrykkir komu á marknaðin í Norra fingu 5% av 13 ára gomlum norskum børnum ov nógv koffein dagliga, skrivar heimasíðan matportalen.no.

Hjáárin av ov nógvum koffeini kann vera: órógva hjartarútma, ov høgt blóðtrýst, hjartabankan, andaneyð, búkilska, kvalmi, angist, fjáltur, ilt við at sova, og í ringasta føri hjartasteðgur.

Í ES londunum verður kravt, at orkudrykkir og aðrar matvørur sum innihalda meira enn 150 mg. av koffeini pr. litur, skulu hava ávaringarmerki um heilsuvandan.

Mynd: Jyllandsposten.dk


Skrivað: Helgi Abrahamsen
Nú á R7
Samband
R7 Kringvarp
Postboks 226
FO-600 Saltangará
Lýsing