Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Savnið
Lýsing
Lýsing
? / ??

Emmanuel Macron kann vinna tjóðartingsvalið

Politikkur, Uttanlands | 19/05 11:58

Veljarakanningar í Fraklandi vísa, at flokkurin hjá Macron fer at fáa millum 280 og 300 umboð vald í tjóðartingið.

Veljarakanningar í Fraklandi vísa, at nýggi frosetin, Emmanuel Macron, hevur møguleika at vinna sær meiriluta í tjóðartinginum á valinum í juni.

Macron vann forsetavalið tann 7. mai, men hann hevur eisini brúk fyri at hava meiriluta í tjóðartinginum, um flokki hansara skal eydnast at útinna sín politikk.

Í eini veljarakanning sum OpinionWay/ORPI hevur gjørt, fær flokkurin hjá Macron 27 prosent av atkvøðunum á fyrra valumfarinum, sum verður tann 11. juni. Hetta skal geva flokkinum møguleika at fáa millum 280 og 300 umboð vald í undirhúsið á øðrum umfari, sum verður tann 18. juni. Fyri at fáa reinan meiriluta skal ein flokkur hava 289 umboð vald.

Tvær aðrar kanningar vísa, at flokkurin hjá Macron fer at fáa 32 prosent av atkvøðunum á fyrra umfari. Tað er ein framgongd á ávikavist 3 og 7 prosentstig samanborið við kanningar, sum vórðu gjørdar 11. og 7. mai.

Ein fjórða kanning vísir harafturímóti, at bara 45 prosent av veljarunum hava álit á Emmanuel Macron sum forseta, og enn færri siga seg hava álit á forsetismálaráðharranum Edouard Philippe.

 

 


Skrivað: Helgi Abrahamsen
Lýsing
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir