Hetta tí, at tað er meiri av rúsevnum í umferð í føroyska samfelagnum í dag enn tað hevur verið. Talan er ikki einans um alkohol, men eisini stoffir, og støðan er so álvarsom hjá nøkrum, at tey eru meira ella minni heimleys.

Aktuella støðan í landinum í dag er tann, at tað almenna einki viðgerðartilboð hevur til hesi, og stendur ráðaleyst yvir fyri trupuleikanum, upplýsir Jancy Biskupstøð Klein, sum er leiðari í sosialu deild í Tórshavnar kommunu, og hevur barnaverndartænastuna undir sær. Jancy sigur við Kringvarpi, “at tørvur er á einum bú- og viðgerðatilboði til hesi ungu,” sitat endað.

Hesi aktuellu viðurskiftini mugu takast sum eitt neyðarróp eisini til allar kirkju- og samkomuleiðarar og sunnudagskúlalærarar í Føroyum, at bera so í bandi við tí talaða orðinum, at skeiva kósin verður rættað upp hjá tí einstaka barninum.

(Kelda: Tíðindasendingar í KVF 14. og 15. mei 2017)