Støðan enn hættislig hjá fimm ungum fólkum
Í alt eru 116 fólk viðgjørd á sjúkrahúsi í sambandi við bumbuálopið, sum skakaði stóran part av heiminum seinasta mánakvøld.
Enska drotningin Elizabeth II vitjaði hósdagin eitt barnahospital í Manchester, har fleiri offur fáa viðgerð eftir bumbuálopið mánakvøldið.
Enn er støðan hættislig hjá 25 fólkum, og teirra millum eru 5 blaðung.
Álopið kravdi 22 mannalív, og 59 fólk vóru særd. Tey særdu verða viðgjørd á átta ymiskum sjúkrahúsum í umráðnum.
The Royal Manchester Childrens Hospital viðger 14 ung, sum øll eru undir 16 ár, og fimm teirra eru í lívsvanda.
Salman Abedi er eyðmerktur sum tann, sum helst stendur aftan fyri spreingina á konsertini við Arianu Grande mánakvøldið kl. 22.33 lokala tíð.
Hann lat sjálvur lív í álopinum og gjørdist einans 22 ára gamal. Salman Abedi var føddur í Onglandi og hevði foreldur úr Libya.
Politiið kannar málið og tekur útgangsstøði í, at hann framdi álopið í samstarvi við fleiri onnur. Politiið hevur handtikið 10 fólk, og tvey av teimum handtiknu eru pápi og yngri beiggi Salman Abedi.
Kelda: Jyllands-Posten www.jyllands-posten.dk
Líknandi tíðindi
Mest lisið í farnu viku
Samband
Heygsvegur 8
490 Strendur