Torkil Weyhe eitt sekund frá sigrinum
Føroya sterkasti súkklari, Torkil Weyhe, var eitt sekund frá at vinna fjórða teinin í Tour des Fjords, sum verður súkklað í Noreg í hesum døgum.
Tað eydnaðist Torkili Weyhe at slíta seg leysan frá høvuðsbólkinum saman við tveimum øðrum súkklarum, tá eini 30 kilometrar vóru farnir afturum, og saman hildu teir leiðsluna allan vegin til málstrikuna - næstan.
Tí í evstu løtu yvirhálaði Edvald Boasson Hagen, ein av stóru norsku súkklarunum seinastu nógvu árini, og vann teinin eitt sekund frammanfyri føroyingin. Torkil Weyhe, ið súkklar fyri ColoQuick-CULT, endaði á øðrum plássi, tvey sekund frammanfyri høvuðsbólkin.
- Sjálvandi var hetta harmiligt og eitt sindur skuffandi, tá ið mann er so tætt við, men tað er tó nógv tað besta úrslitið, eg havi gjørt, so eg eri eisini ógvuliga glaður, segði Torkil Weyhe við in.fo.
Evnaríki føroyski súkklarin er nú nummar 17 í samlaðu støðuni, 2:41 aftanfyri Dries van Gestel á fremsta plássinum. Síðsti teinur av Tour des Fjords verður súkklaður sunnudagin.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur