Mentanarvikan 2021 verður sermerkt á tann hátt, at sjóneykan verður sett m.a. á skrivaða orðið. Føroyska málið í síni heild verður sett á breddan alla mentanarvikuna.

Vinnarin av stuttsøgukappingini verður funnin, umframt at sangskriving, bókaframløgur, upplestur og framburður eisini eru á skrá.

Sum heild er talan um eina røð av størri og smærri tiltøkum har kend listafólk og nýggir spírar seta sín dám á dagarnar. Harumframt verða eisini konsertir, skeiðsvirksemi, gongutúrar og upplivingar av alskyns slag og til allar aldursbólkar.

Eins og áður verður mentanarvikan sjónlig í allari kommununi og verður í døgunum 25. apríl til 2. mai 2021.

Enn er rúm fyri onkrum tiltaki afturat. Áhugað kunnu venda sær til Visit Runavík ella skriva til visit@runavik.fo