Bernie Madoff hevur monopol uppá Kakao í fongslinum
Madoff hevur sitið fongslaður síðani 2009. Men evnini at selja og keypa eru ikki gloymd, Tí nú keypur og selur Bernie Madoff kakao í fongslinum.
Fyrrverandi amerikanski vinnulívsmaðurin Bernie Madoff hevur sitið fongslaður síðani hann var handtikin í desember í 2008. Í 2009 var hann dømdur fyri 150 ára fongsulsrevsing fyri fíggjarsvik - tað tey kalla eina "Ponzi scheme". Fleiri túsundtals íleggjarar mistu nógvar milliardir dollarar í íløgusvikinum hjá Madoff. Mett verður at Madoff snýtti fyri í minsta lagi 18 mia. dollarar. Summi vilja tó verða við at talið kann vera heilar 65 mia. dollarar.
Madoff er 78 ára gamal og fær nú tíðina í fongslinum at ganga við at keypa og selja kakao. Sjálvandi við vinningi.
Hann hevur keypt alla goymsluna hjá fongslinum av kakao, og hevur nú monopol í fongslinum.
Meðan tað gongur rímiliga væl hjá Bernie Maddof, so fær amerikanski ríkmaðurin George Soros, ikki so væl burtur úr. Men hann er tó ein fríur maður. George Soros satsaði nógvar pengar uppá at partabrøv fóru at falla í virði tá Donald Trump vann forsetavalið. Tað hendi ikki og George Soros misti 7 milliardir.
George Soros er upprunaliga úr Ungarn, men hevur av størsta partinum av lívinum búð í USA. Hann bleiv kendur tá hann forvann nógvan pening tá enska pundi misti virði í 1992. Somuleiðis er hann ein av størstu stuðlunum hjá Hillary Clinton. Eisini er hann lagdur undir at stuðla teimum demokratum, sum skaptu ófrið á valfundunum hjá Donald Trump.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur