Meirilutin av ísraelum vilja hava Netanyahu sum forsætisráðharra
Hóast at forsætisráðharrin og kona hansara, Sara, fleiri ferðir hava, verið fyri skuldsetingum um mutur o.a, so heldur ein meiriluti av ísraelska fólkinum ikki at Netanyahu skal leggja frá sær.
Ísraelski forsætisráðharrin Benjamin Netanyahu hevur verið fyri ákoyringum í seinastuni. Nøkur av málunum eru ein løgreglukanning, ið skal fáa greiða á um fjølmiðlaeigarin Nuni Mozes hevur latið forsætisráðharranum óhóskandi gávur, ákærir um ógegni í samband við keyp av stríðskavbátum og at almenn fígging var nýtt til at um byggja privata búðstaðin hjá Netanyahu.
Í síðstu viku vildi ein tinglimur fyri flokkin Shas vera við, at tað var sannlíkt at Netanyahu fór at leggja frá sær, og legði afturat at teirra flokkur var farin undir fyrireikingar til val.
Sunnudagin gjørdi forsætisráðharrin sjálvur viðmerking til kanningarnar, ið hann rópti eina fjølmiðlaherferð ímóti sær og stjórn hansara.
Men í seinastuni hevur man gjørt fleiri veljarakanningar, ið hava góð tíðindi til forsætisráðharran. Fyrsta kanningin, ið var gjørd 9. Januar, vísir at 45% av ísraelum halda ikki at hann skal leggja frá sær. 39% halda hinvegin at forsætisráðharrin skal leggja frá sær.
15. Januar vísti ein onnur kanning at heili 50% nú halda at Netanyhu skal verða verandi í sessinum, og 38% siga at hann skal leggja frá sær.
Mest lisið í farnu viku
Samband
Heygsvegur 8
490 Strendur